„Утрово беа фрлени 26 тони хуманитарна помош која се состои од над 11.000 оброци“, соопшти шпанското Министерство за надворешни работи.
Вчера два авиони полетаа од воената база во шпанскиот град Сарагоса и исфрлија пакети на територијата опколена од израелската армија.
„Шпанија инсистира на отворање на граничните премини бидејќи тоа е неопходна мерка за да се избегне гладот во Појасот Газа“, порача Мадрид.
#BREAKING #Spain #Gaza The Spanish Air Force delivered 26 tons of food aid to the Gaza Strip. pic.twitter.com/fn6NXHCIy1
— The National Independent (@NationalIndNews) March 27, 2024
Шпанија вели дека влезот на помош по патишта е поефективен начин за справување со хуманитарната вонредна состојба, но поради „тешкотии на пристап“ се советува испорака на помош преку воздух, што го вршат земји како Франција, Германија и САД.
„Околу 1,1 милион луѓе во Газа се соочуваат со катастрофален недостиг на храна. Сегашната (воздушна) испорака на помош не е доволна за да се запре гладот и да се обезбедат основните потреби како што се вода и хигиенски материјали“, се вели во соопштението.
Joint operation of @SpainMFA and @Defensagob to deliver humanitarian aid to Gaza.
— Spain MFA (@SpainMFA) March 26, 2024
A new shipment of aid @AECID_es leaves today from the Zaragoza Air Base with 23 tons of food destined for the civilian population suffering the serious consequences of the war. pic.twitter.com/50dWdac1bs
Околу 32.000 Палестинци, од кои 70 отсто жени и деца, беа убиени во Појасот Газа по ескалацијата на конфликтот на 7 октомври, соопшти Шпанија. Ранети се 74.188 палестински цивили.
Овој месец Шпанија јавно даде поддршка за агенцијата на Обединетите нации за палестински бегалци (УНРВА), на која ѝ плати 19,5 милиони евра од вкупно 50 милиони евра помош за Палестинците минатата година. Таа најави и испраќање дополнителни 23,5 милиони за образование на децата.