Фудбалерите на Клуб Бриж го победија ПАОК во Солун со резултат 2:0 и со вкупни 3:0 се пласираа во полуфиналето на Конференциската лига на УЕФА, каде ќе ја пречекаат Фиорентина.
Белгијците уште во првото полувреме ги згаснаа сите надежи на преполниот стадион „Тумба“, со двата гола на шпанскиот напаѓач Феран Јутгла.
Вториот вечерашен дуел меѓу Фенербахче и Олимпијакос отиде на продолженија. Фенер успеа да победи во регуларните 90 минути со 1:0 и да дојде до вкупни 3:3 од двата меча.
