Со наполнети 40 години и одиграни повеќе од 800 натпревари, јапонскиот фудбалски интернационалец Макото Хасебе најавува завршување на активната фудбалска кариера.
40-годишниот Јапонец најави дека со завршницата на сезоната ќе оди во пензија.
Хасебе, кој е фудбалер на Ајнтрахт од Франкфурт, ја започна професионалната кариера во 2002 година, кога дебитираше за Урава Ред Дајмондс. Оттогаш, има 691 клупски натпревар за Урава, Волфсбург, Нирнберг и Ајнтрахт Франкфурт.
Тој зад себе има и 114 меѓународни натпревари во дресот на Јапонија.
Централниот бек е во Франкфурт од 2014 година, со кого го освои и Купот на Германија и Лигата на Европа.
