Баерн Минхен нема намера да го продаде Џамал Мусиалa. Во Англија тврдат дека за 21-годишниот Германец многу сериозен интерес покажуваат Манчестер Сити и Челзи.
Дури и да пристигне понуда за офанзивниот играч за врска на „Алијанц Арена“, таа ќе биде одбиена веднаш.
Раководството на Баерн во Мусиала гледа лидер за следниот период. Баварците многу брзо ќе започнат преговори со германскиот репрезентативец за обновување на неговиот договор. Тоа ќе се случи откако ќе се реши тренерската промена.
Актуелниот договор на Мусиала е до летото 2026 година.
