Вицешампионот Вардар утре го пречекува Шкупи во рамките на 23. коло од Првата македонска фудбалска лига.
Мечот ќе се игра на стадионот „Борис Трајковски“ во Маџари а забранет ќе биде влезот за „Шверцери“, гостинските навивачи од Чаир.
„Натпреварот е прогласен за меч од висок ризик. При купување на билет задолжително ќе биде прикажување на документ за лична идентификација. Влезници ќе се купуваат по принципот една лична карта – еден билет.
Забранет ќе биде влезот за гостински навивачи и симпатизери. Сите гостински навивачи кои ќе се обидат да влезат на трибините, ќе бидат вратени од стадионот.
До оние кои ќе бидат на трибината на стадионот, ФК Вардар апелира на фер и коректно навивање. Да го бодриме нашиот тим кон триумф и три бода“, велат од Вардар.
