Своевремено клупи се ставаа по паркови, пешачки зони и сл., но од неодамна на територијата на Општина Аеродром има нов тренд - клупите се ставаат меѓу грмушки или поточно врз грмушки. Ако не ви е јасно како изгледа тоа, еве фотографија.
Која им е намената на вака поставените клупи не ни е познато, а ни јасно рака на срце. Со гаранција не му е јасно зошто го сторил тоа ниту на оној што клупата ја „довлечкал“ во ваква положба.
Очигледно недостатокот од кадар во Општината, која во изминативе 2-3 години слободно може да конкурира за една од најзапустените, си го прави своето, па секој се однесува и прави како што ќе му текне.
Не за џабе се вели - кога мачорот го нема, глувците оро водат!
Фото: Вечер.мк
