Грција е една од десетиците земји кои доживуваат колапс на населението поради нискиот наталитет, напиша милијардерот Илон Маск на социјалната мрежа Х.
Тој сподели твит на Лутер Чиро, во кој се наведува дека се предвидува дека Грција ќе стане првата нација која ќе доживее „колапс на популацијата” поради ненадејните и неочекувани смртни случаи ширум нацијата, додека нивоата на наталитет се пониски од тоа што се очекувало.
„Срцева слабост, мозочни удари, згрутчување на крвта и брзиот почеток на рак кај инаку здравите млади луѓе предизвикаа стапките на смртност вртоглаво да се зголемат во Грција, додека нивото на плодност кај младите мажи и жени опаѓа што предизвикува највисок пад на нателитетот во еден век. Изгледите за колапс на населението во Грција е „темпирана бомба“ и „национална закана“ според премиерот Киријакос Мицотакис“, пишува Чиро.
Маск се осврна на загриженоста за „колапсот на населението“ споделувајќи скриншот од релевантен напис од американскиот медиум The People’s Voice.
Според студијата објавена во општото медицинско списание The Lancet, до 2050 година се предвидува дека три четвртини од земјите во светот ќе доживеат пад на населението поради нискиот наталитет. „Намалувањето на населението во Грција достигна алармантно ниво и таа би можела да стане првата земја во светот што ќе претрпи „колапс на населението“, се вели во извештајот.
Ова започна дебата на социјалните мрежи, при што милијардерот Илон Маск се приклучи и изрази загриженост. Извештајот дава застрашувачка слика во која се тврди дека срцевата слабост, мозочниот удар, згрутчувањето на крвта и ракот кај инаку здравите млади луѓе предизвикале вртоглаво покачување на стапката на смртност во Грција.
Премиерот Киријакос Мицотакис ја нарече можноста за колапс на населението „темпирана бомба“ и „национална закана“.
Колапсот на населението, познат и како депопулација, се однесува на феноменот на ненадеен и неповратен пад на бројот на живи луѓе во едно општество. „Ова е еден од најсериозните проблеми со кои се соочуваме не само во Грција, туку и во ЕУ како целина“, изјави министерот за финансии Костис Хацидакис за новинската агенција Ројтерс минатата недела, мислејќи на брзото опаѓање на населението во неговата земја. „Тоа е наш приоритет… што и да е потребно“.
Стапката на наталитет во Грција падна за 30 отсто од 2011 до 2021 година, на под 84.000 годишно, паѓајќи под стапката на смртност, според националната грчка статистичка служба на земјата, позната и како ЕЛСТАТ.
Во 1932 година, Грција имаше над 185.000 раѓања и помалку од 118.000 смртни случаи, соопшти ЕЛСТАТ.
ОЕЦД, исто така, предвидува дека населението на Грција ќе падне од 10,4 милиони минатата година на нешто повеќе од 10 милиони во 2030 година.
