Српскиот актер Сергеј Трифуновиќ во четвртокот е приведен во Белград откако, како што пренесуваат српските медиуми, купил марихуана од познаник.
Покрај Трифуновиќ, приведен е и тој што му продавал марихуана. И двајцата биле приведени во полиција, а како што неофицијално дознава српски Курир, полицијата тргнала по автомобилот и го фатила додека си ја предавале дрогата.
Кај Трифуновиќ е пронајден еден ПВЦ-пакет со околу 5 грама марихуана, додека со преглед на возилото што го користел В.А. во чантата и ПВЦ кесата што ја чувал под хаубата на автомобилот, пронајдени се околу 40 ПВЦ-пакетчиња со околу 70 грама марихуана – вели извор за српски Курир.
