Американскиот центар за спречување и контрола на болести (ЦДЦ), со децении е водечка институција во справувањето со разни здравствени кризи, но на изненадување на многумина, за време на пандемијата од корнавирусот не се огласуваат премногу.
Сепак, неодамна директорот на агенцијата и реномиран вирусолог Роберт Редфилд зборуваше за НПР за тешката состојба што ги мачи САД, како и целиот свет и и даде свое видување за ситуацијата.
Д-р Редфилд истакна дека медицинските експерти и научници научиле многу во врска со новиот вирус и дека едно од клучните сознанија се однесува на неговото пренесување.
„Коронавирусот има можност да се пренесува многу полесно од нормалниот сезонски грип. Веројатно сега е трипати поинфективен од грипот", започна тој, додавајќи дека проблемот е во тоа што значителен број луѓе воопшто немаат никакви симптоми.
„Дури 25% од граѓаните може да не покажат симптоми. Ова е важен фактор затоа што имаме лица кои можеби немаат симптоми, но може не знаејќи да ја шират инфекцијата. Научивме дека всушност придонесуваат за пренесување. Дури и оние што добиваат симптоми можат тие го пренесуваат вирусот, дури 48 часа пред да се појават првите симптоми. Ова објаснува зошто вирусот лесно се шири низ целата земја. Имаме асимптоматски носители и имаме лица кои го пренесуваат вирусот 48 часа пред да станат симптоматски “, објасни тој.
Редфилд вели дека маските може да се гледаат од два агола - како нешто што не штити од потенцијални други заразени, но и како нешто што ги штити другите од заразени. Сепак, тој предупредува дека нема доволно научни податоци за да се утврди конечната ефективност на маската.
Тој додава дека повеќето респираторни вируси се разликуваат сезонски и дека се очекува Ковид 19 да започне да опаѓа со приближувањето на пролетта и раната летна сезона, но дека треба да почекаме и да видиме.
Овој експерт додаде и дека најмоќното оружје во борбата против пандемијата е сè уште е социјалната дистанца.
„Би сакал да им се заблагодарам на сите што го сфатија ова и практикуваат агресивна социјална дистанца. За оние кои се уште не го разбираат ова, сега е време да го променат. Ова не е мала препорака на парче хартија. Ова е многу, многу моќно оружје против вирусот корона. Овој вирус не може лесно да помине од личност до личност. Не треба да бидеме блиски, треба да бидеме на еден метар од личноста. Значи, само треба да се дистанцираме, и ако го сториме тоа, вирусот не може да се одржи ќе исчезне. “, советува Редфилд.
Тој, исто така, истакна дека колективно како свет, многу малку инвестиравме во јавното здравство и дека ова е момент кога ова мора да се промени. Тој исто така заклучи дека вирусот ќе биде кај нас во поголема или помала мерка во текот на следните 24 месеци и дека треба да практикуваме социјална дистанца дури и кога ќе помине врвот на пандемијата.
„На крајот на денот, повеќето од нас кои имаат инфекција веројатно ќе закрепнат. Повеќето луѓе - скоро 98,5 проценти, можеби 99% закрепнуваат. Предизвик е постарите, ранливите, оние со хронични заболувања или сериозни медицински состојби каде што овој вирус предизвика значителна смртност “, заклучи Рефилд.
