Претседателот на Србија, Александар Вучиќ, за утре закажа седница на Советот за национална безбедност, поради можната шпионска афера во која наводно се вклучени руски разузнавач и српски агент, објави „Блиц“.
По седницата се очекува да бидат познати повеќе детали за овој случај на кој работат српските безбедносни служби.
Претходно денеска, премиерката на Србија, Ана Брнабиќ, оцени дека, доколку се утврди дека во овој случај навистина станува збор за шпонажа, тоа ќе биде сериозен проблем кој бара сериозна реакција.
извор: Makfax
