Бред Пит (55) ќе разговара со астронаутот Ник Хаг за тоа како е да се живее и работи во вселената, соопштија од НАСА.
Американскиот актер во филмот „Ад Астра“ патува низ Сончевиот систем одејќи на Месечината и на Марс.
Хаг и неговите колеги неодамна го гледаа филмот.
Иако НАСА не е спомената во филмот, вселенската агенција им обезбедила фотографии и одредена техничка поддршка. Тие го разгледале и првичното сценарио на филмот „Ад Астра“.
НАСА планира повторно да ги испрати астронаутите на Месечината во следните пет години, а честопати го нуди своето знаење при снимање филмови за вселенско летање.
Фотографиите на НАСА веќе се користени во филмовите „Марсовец“, „Интерстелар“ и „Гравитација“ за да се поттикнат истражувањата во вселената.
извор: Makfax
