На брегот на западна Аљаска, на почетокот на овој месец било пронајдено шише во кое се наоѓала порака од руски морнар, напишана пред 50 години, а благодарение на социјалните мрежи, наскоро бил пронајден и авторот.
Пораката во зелено шише ја нашол човек додека собирал дрва.
Тајлер Иваноф го објавил откритието на Фејсбук, а корисниците кои знаат руски јазик ја превеле пораката и таа значела поздрав на руски морнар, уште од времето на Студената војна. Во неа е напишана адреса и се бара одговор од лицата кои ќе ја најдат.
Новинари на руската телевизија „Русија 1“ откриле дека авторот на пораката е капетанот Анатолиј Ботсаненко.
„Изгледа дека е мој ракопис. Сигурно!“ рекол Ботсаненко, наведувајќи дека пораката ја испратил додека бил на бродот „Сулак“, чија изградба ја надгледувал во 1966 година и со кој пловел до 1970 година.
Ова откритие стариот капетан го примил многу емотивно и се расплакал кога слушнал од новинарите дека неговата пловна база фрлена во отпад во деведесетите години.
извор: Makfax