Пејачката Јелена Карлеуша и овој пат не си го “гризна јазикот“, па на социјалните мрежи ја коментирала изјавата на актерката Слобода Миќаловиќ.
Слобода во една од своите изјави истакна дека скапата облека и парите не можат да купат искрена насмевка, а потоа ги допре и веганите кои носат кожни чанти.
“Сакам добар накит, сакам добар часовник, но можам да живеам без него. Мислам дека мојот карактер и таа стабилност доаѓа од внатре, а не од она што го ставаме однадвор. Или некој коментира “Не јадам месо, јас сум веган“, а потоа носи “Луј Витон“, кој секако не е од зелка. Не разбирам“, изјавила актерката… се огласила и Јелена.
“Само што требаше да изедам една од моите чанти “Луј Витон“, но оваа многу паметна жена ми објасни дека тоа не е зелка. А јас јадам само зелка“, напиша Карлеуша на Инстаграм.
Јелена Карлеуша неодамна проговори за темата на новата сезона на Звезда Гранда, односно доцнењето на емитувањето, кога отворено кажа кој е “ферари“, а кој “опел“ машина.
