Членот на американскиот Совет за национална безбедност изјави дека Русија планира да одржи такви гласања во регионите Херсон, Запорожје, Луганск и Доњецк и во областите околу Харков, пренесува Dpa.
„Руското раководство им наложи на официјалните лица да започнат со спроведување на тие референдуми“, рече неименуваниот функционер. „Имаме информации дека Русија, додека се подготвува за референдуми, ги проверува кандидатите за административни позиции во тие области и дека тоа би можело да се случи во наредните недели.“
Американски функционер рече дека Вашингтон верува дека Русија ќе манипулира со резултатите од гласањето за лажно да тврди дека Украинците сакаат да се приклучат на нејзина територија.
Тој додаде дека ќе биде клучно да се бориме против таквите дезинформации доколку Кремљ сака да искаже тврдења за желбата на украинскиот народ да се приклучи кон Русија. Американските разузнавачи сметаат дека самите руски претставници очекуваат слаб одѕив.
Проруските лидери во регионите Луганск и Доњецк претходно ја отфрлија можноста за референдум додека Русија не го преземе целиот Донбас.
