Протестите против предлогот на Франција продолжуваат и денеска но со различна рута. Според најавата истите ќе почнат пред влада, но овој пат преку министерство за правда до Собрание.
– Нема враќање чекор назад. Нема отстапување од Македонија. Денес продолжуваме, масовно, мирно и гордо во 19 часот пред влада, преку министерство за правда каде ќе порачаме дека нема промена на Уставот за внес на Бугарите, затоа што Уставот не е Википедија, и ќе завршиме пред Собранието. Нема полициска монтировка која ќе не уплаши, стои во најавата.
Се додава дека нема меѓуетнички тензии, туку има заштита на криминал и предавство на Македонија против кое се бориме.
-Апелираме да не се наседне на полициските провокации. Ултиматум, не благодарам. Против асимилација и бугаризација. Излезете масовно. Македонија е нашата последна тврдина, додаваат во најавата.