Генералниот секретар на НАТО Јенс Столтенберг изјави дека со турскиот претседател Ердоган разговарал за барањата на Шведска и Финска за членство во НАТО.
Столтенберг на социјалните мрежи објави дека имал телефонски разговор со Ердоган.
Нагласувајќи дека Турција е важен сојузник, Столтенберг рече дека со Ердоган разговарал за политиката на отворени врати на НАТО и за барањата на Шведска и Финска за членство во алијансата.
„Се согласуваме дека безбедносните грижи на сите сојузници треба да се земат предвид и да продолжат разговорите за да се најде решение“, рече Столтенберг.
Високите претставници на Финска и на Шведска во наредните денови треба да ја посетат Турција со цел во Анкара да одржат официјални разговори за прашањето за процесот на нивното приклучување во НАТО.
Spoke with President @RTErdogan of our valued Ally #Turkey on the importance of #NATO’s Open Door and the membership applications by #Finland & #Sweden. We agree that the security concerns of all Allies must be taken into account and talks need to continue to find a solution.
— Jens Stoltenberg (@jensstoltenberg) May 21, 2022