Маичката пронајдена на телото што утрово се појави кај Ада Хуја е идентична со маичката што ја носел Матеј Периш ноќта на неговото исчезнување.
Имено, станува збор за темна маичка со апликација на јагуар и жолт натпис кој оди во круг и пишува „Power Super Cleaner“. Матеј Периш носел иста таква маица и на фотографијата која кружеше по сите медиуми кога беше пријавено неговото исчезнување во Белград.
Исто така, покрај телото е најдена и бела патика која одговара на описот на онаа на Периш.
Покрај тоа, на телото имало темносини фармерки, на раката сребрен часовник и во џебот телефон.
Идентификацијата ќе биде потврдена врз основа на ДНК анализа, со споредување на ДНК на трупот со ДНК профилот на таткото на исчезнатиот Периш, Ненад Периш.
Инаку, тој се уште не може да дојде по телото на синот, дознава Курир од семеен пријател, бидејќи според процедурите прво морал да обезбеди гробно место за Матеј.