Страшно злосторство се случило во петокот во новосадската населба Телеп, каде 37-годишниот Горан Јанковиќ, сопственик на вулканизерска работилница, до смрт ги претепал 32-годишнаа сопруга Мирјана и нејзините родители, 57-годишниот Бранислав и 57-годишната Нада Пајиќ.
Убиството се случило во дворот од куќата во Нови Сад, додека тука биле и малолетните синови на Горан и Мирјана, постариот на возраст од 10 години, а помалиот кој оди во градинка.
Осомничениот избегал и по него трагаат сите единици на новосадската полиција, а ангажиран е и полициски хеликоптер. Несреќната жена и нејзините родители најверојатно се усмртени со удари со тап предмет по глава.
Масакрот се случил во петокот утрината во околу 7 часот, а нешто пред 8 часот три безживотни тела во домот затекнал М.П. брат на Мирјана и син на Бранислав и Нада.
Него наводно телефонски го повикал постариот син на Горан и Мирјана и му кажал што се случило.
Мама, баба и дедо се убиени, рекло детето.
Осомничениот Горан имал забрана за пристап на сопругата и комуницирање до 12 јуни, која му била изречена поради насилство во семејството направено на 11. мај. И покрај тоа тој вчера дошол за да разговара со Мирјана.
