Претседателот на ВМРО-ДПМНЕ, Христијан Мицкоски, беше во посета на општинскиот комитет на партијата во Кисела Вода, каде што оствари средба со граѓани, членови и политички симпатизери.
Како што информираат од опозициската партија, Мицкоски на средбата истакнал дека власта на СДСМ нема успеси во ниедно поле, односно дека владее со измами и злоупотреби.
„Владата нема успеси буквално во ниедно поле. Ги слушам премиерот и вицепремиерот се фалат со гасификацијата, која во реалноста целосно ја заглавија. Готов проект, кој требаше да продолжат да го реализираат, а го забавија, го заглавија, гасификацијата на домаќинствата уште долго ќе се чека“, потенцирал Мицкоски.
Партискиот лидер нагласил дека власта лаже за гасификацијата исто како што СДСМ излажал во 2002 година кога ветил по еден вработен од секое семејство.
„Кога ВМРО-ДПМНЕ ја напушти владата, им остави готов проект за изградба на секундарната и терцијарната гасификација и имаше тендер за изградба, кој СДСМ го поништи со образложение дека не чинел за дури по две години, велат ќе се формира комисија за распишување тендер за изградба на секундарна и терцијарна гасификација или со други зборови – нè вратија во почетна фаза. Истото тоа што беше во завршна фаза пред две години, сега е во почетна фаза. Не само што сме изгубиле две години, туку прашање е дали сега во овие околности ние навистина ќе најдеме некаков инвеститор“, истакнал Мицкоски нагласувајќи дека станува збор за навистина сложен проект.
Воедно, тој потенцирал дека со ваквото темпо на работа, дури ни за 4 години нема да може да постои домаќинство што ќе има можност да го користи гасот како енергент.
извор: Makfax
