ФСБ не кажува во кој дел од земјата биле уапсени наводните шпиони и кога точно.
Според соопштението, двајцата уапсени „пристигнале во Русија за да соберат информации и да фотографираат и снимаат витални стратешки објекти и транспортна инфраструктура“.
Во возилото што го користеле пријавените биле пронајдени оружје, скратена пушка и митралез и опрема за лична заштита.
ФСБ тврди дека двајцата уапсени биле регрутирани од украинската безбедносна служба СБУ за 10.000 американски долари.
Третиот наводен агент е уапсен на дело со две импровизирани експлозивни направи што одговараат на експлозив од 1,5 килограми ТНТ. Тој илегално ја преминал руската граница, се вели во соопштението.
