Американската пејачка Анастасија Лин Њукерк беше популарна во текот на 2000-тите, а нејзината песна „I’m Outta Love“ ги обиколи светските радио станици.
Сега 53-годишната Анастасија беше на врвот на славата кога неочекувано реши да се повлече од светот на музиката.
Во таа прилика и самата пејачка призна дека нејзината кариера започнала многу доцна, кога имала 30 години, а често била принудена да лаже за своите години за да учествува на натпреварите на МТВ.
„Кога склучив договор со дискографска куќа, живеев од бенефиции за невработеност. Не верував дека ќе успеам. Во раните дваесетти години работев како танчерка кога се обидов да ја сменам кариерата. Луѓето кои ме слушаа како пеам едноставно ми кажа дека веднаш да се откажам, бидејќи мојот специфичен глас не може да се вклопи во актуелните музички трендови во тоа време“, изјави таа за странските медиуми.
Пејачката е родена во Илиноис, во 1968 година, а на само 13 години и била дијагностицирана Кронова болест – воспалителна болест на цревата која може да биде исклучително исцрпувачка. Сепак, тоа беше само еден од многуте здравствени проблеми со кои се бореше американската пејачка.
Кога во 2002 година стекна светска слава благодарение на хитовите „Paid My Dues“ и „One Day In Your Life“, нејзината кариера нагло беше прекината, откако и беше дијагностициран рак на дојка.
Си помислив: „Немам ништо. Што ќе се случи со мене? Бев во тотален шок, мислев дека ќе умрам. А потоа почнав да се борам“, се присети пејачката.
За да се опорави паузираше две години.
Таа се врати на големата сцена со албумот и синглот „Left Outside Alone“, кој доживеа голем успех.
По третманот добила инспирација за формирање на фондот „Анастасија“ за ширење на свеста кај младите жени за опасноста од рак на дојка.
Кога имала 39 години, повторно немала среќа.
Имено, откако и бил дијагностицирана суправентрикуларна тахикардија, која предизвикува ненадејни и побрзи отчукувања на срцето од нормалното, во 2013 година и се вратил на ракот на дојката.
Таа потоа беше принудена да ја откаже својата европска турнеја, за да направи двојна мастектомија.
„Тоа беше интензивно патување, но се чувствувам одлично и подготвена сум да го започнам следното поглавје. Раното откривање двапати ми го спаси животот. Ќе продолжам да се борам и да му го давам на светот мојот глас на кој било начин”, рече таа во изјавата за јавноста. .
Таа денеска по десет помали зафати и пет операции целосно закрепна, а позирајќи за насловната страница на магазинот Fault гордо ги покажа лузните од операцијата која и го спаси животот.
Анастасија го надмина најлошото, но кога се врати на музичката сцена, нејзините албуми воопшто не се продаваа и се чувствуваше изгубено, бидејќи технологијата засекогаш ја промени индустријата, а луѓето повеќе не купувале оригинални ЦД-а.
Пејачката, вели била под притисок од други да се префрли на „R&B“ звук, да вклучи рапери во нејзините песни и да користи автотаун.
Поради нејзиниот интегритет, таа одбила да го деградира и обликува својот личен израз според тогашните актуелни музички стандарди, а оваа одлука ја чинеше успех.
Во 2007 година се омажи за нејзиниот телохранител Вејн Њутн. Сепак, тие брзо се разведоа – во април 2010 година.
