Кошаркарите на Денвер ја продолжија негативната серија и доживеаа пораз од Милвоки со 109:120. На гости убедливо триумфираше Аталанта против Мемфис со 132:100, додека Оклахома е поразена од Вашингтон на свој терен со 99:101.
Денвер го нанижа четвртиот едноподруго пораз откако српскиот центар Никола Јокиќ е вон теренот поради повреда. Најефикасен играч на мечот беше Јанис Адетокунбо од победничкиот тим кој постигна 24 поени и имаше уште 13 скока и 7 асистенции, а ефикасен беше и Пет Конотон со 20 поени. Кај Денвер најмногу поени постигна Ерон Гордон (18).
Аталанта го победи Мемфис со 32 поени разлика. Хокс ги предводеше Тре Јанг со 31 поен, а Клинт Капела имаше 23 и дури 17 скокови.
Интересен и ефикасен меч одиграа Лејкерс и Сакраменто Кинг. Во „Стејплс“ центарот славеа гостите по продолжението со 141:137. Во регуларниот дел беше 100:100 па во продолженијата паднаа дури 78 поени.
Најефикасен на мечот беше Фокс од Сакраменто со 34 поени, додека четири помалку имаше Леброн Џејмс од Лејкерс со 30 поени, а на тоа придодаде и 11 асистенции.
РЕЗУЛТАТИ
Л.А.Клиперс – Детроит 107:96
Шарлот – Минесота 133:115
Њујорк Никс – Феникс 97:118
Орландо – Чикаго 88:123
Индијана – Торонто 114:97
Мемфис – Атланта 100:132
Оклахома – Вашингтон 99:101
Сан Антонио – Бостон 96:88
Денвер – Милвоки 109:120
Јута – Њу Орлеанс 97:98
Голден Стејт – Портланд 118:103
Л.А. Лејкерс – Сакраменто 137:141
