Металург продолжува со градење на тимот за новата сезона во која нема да настапува во квалификациите за Европската лига поради депозитот од 50.000 евра, кој ЕХФ го побара како гаранција.
Клубот и покрај ова останува со високи амбиции во домашниот шампионат. Веќе е најдена замена за Милан Поповиќ кој замина во Романија. Станува збор за португалскиот интернационалец Улисис Рибеиро.
Раководството на клубот и 30-годишниот ракометар потпишаа двегодишна соработка. Рибеиро покрај позицијата лево крило може да одговори и како централен бек.
Минатата сезона настапуваше за холандскиот тим Хари Ап, одигра 13 натпревари и постигна 33 гола.
sportmedia.mk
