Реисот на ИВЗ Сулејман Ефенди Реџепи се обрати пред новинарите за обидот за негова смена откако заврши седницата на Ријасетот во факултетот за исламски науки во Кондово.
-Во име на моите колеги, членови на Реисетот, да кажам дека ИВЗ е силно огорчена за скандалот. Тој е припремен на вештачки начин, не памтам ваков примитивен скандал. Ќе имаме огромна поддршка од јавноста и од меѓународната заедница. Таа жали зошто толку се има ангажирано, рече Реџепи.
Тој праша зошто е Владата насочена против ИВЗ и рече дека не е злосторник и нема тендери за да го краде народот.
-Мене ме одликувал Доналд Трамп, да му даде Господ среќа. За цел свет сум носител на мир и спокој, само во Р. Македонија сум демонстрирал сила. Јас не се заканувам, се колнам. Туку вистината ги погодува луѓето. Ние таква власт и политика не сакаме.
Зборувам во име на 13 муфтии. Едногласно ги усвоивме заклучоците дека ваква власт, која се занимава со ујдурми и анархија, нам не ни треба и заради тоа кажувам дека ние ова не го сакаме и не го заслужуваме. Авангарда на сите верски заедници била ИВЗ, секогаш водиме. Нема да не злоупотребат. Бев замолен монструмот да го тргнеме. Сега кој е монструмот? Сите добронамерни нека го кренат гласот, изјави тој.
Реџепи констатираше дека државата е полициска и порача порача дека ова зло нема никогаш да биде заборавено и дека тој и ИВЗ ќе се вклучат во анти-пропаганда на овие избори.
-За жал, од вечерва не сме повеќе на иста страна со оваа Влада, рече тој по вечерашниот упад на финансиската полиција во ИВЗ, откако судот одлучи дека тој веќе не е Реис, туку поглавар станува Скендер Бузаку.
-Нема да бидам послушен. Али пашина џамија, никој да не чепка таму. Ќе се прелие чашата. Политиката сади мразење меѓу верските заедници. Го замолија и дедо Стефан да ми напише писмо. Бузаку е отпадник, дури и од Исламската вера. Судот се впушти во невидена авантура. ИВЗ нема да постои кога тој би бил реис, порача Реџепи
