Управата на малото гратче Мората де Тахунха, лоцирано на 40 километри од главниот град на Шпанија, Мадрид, планира да изгради патека за Формула 1 до летото 2023 година. Патеката најверојатно е договорено да влезе во календарите за Формула 1 и Мото ГП.
Приватната компанија „Streammotorfire“ веќе го набавила градежното земјиште од 34 хектари каде ќе се гради автодромот, но во иднина областа ќе биде проширена. Се очекува во изградбата да бидат инвестирани 12 милиони евра.
Градоначалникот на градот, Анхел Санчез, уверува дека ваквиот проект ќе му даде нов живот на еден мал град. Покрај настани како трки во Формула 1 и Мото ГП, на патеката ќе се одржуваат и концерти и разни настани.
sportmedia.mk