Владата наместо паметно да ги распредели парите од буџетот, таа ги распределува во други трансфери. Ова крадење или перење на пари е затоа што власта има интерес да се финансира себе си. Овие пари сакаат дискреционо да ги трошат со цел да го крадат народот, изјави потпретседателот на ВМРО-ДПМНЕ, Александар Николоски во „Јади Бурек“ кај Јанко на ТВ Сонце.
Николоски истакна дека ако владата не беше раскалашена и не беше тргната кон крадење на народот, Македонија наместо да биде задолжена за милијарда ипол евра, ќе беше задолжена пет пати помалку.
-Во буџетот има трансфери. Трансфери за пензии, за плати, за здравство, за луѓе кои имаат потреба од социјална помош, за образование и постојат таканаречени други трансфери. Се оставаат друг дел од парите, значи владата неможе се да предвиди и се оставаат пари за другата година. Други трансфери во 2021 година се рекордни 641 милион евра - скоро дупло од капиталните расходи, а за овие други трансфери каде одат и кој ги добива одлучува повторно премиерот и Владата лично. Тука одат дотации до невладини организации, дотации до единици на локална самоуправа и до други субјекти со кои владата има добри релации. Значи 640 милиони евра се други трансфери во оваа 2021 година. Споредено со 2009-та тоа е повеќе за 295 милиони евра, споредено со 2011 година за 277 милиони евра или доколку ги направиме разликите само на други трансфери и на стоки и услуги и не се раскалашела владата, тука имаме за две години повеќе околу 600 милиони евра споредено со 2009-та и 2011-та година во кризните години и имаме уште околу 600 милиони евра од прилика споредено со истите години и доаѓаме до цифра од една ипол милијарда евра. Што значи дека само доколку не биле раскалашени и не биле тргнати на крадење за две години Македонија наместо да се задолжи милијарда и петстотини евра, можеше да се задолжи 300 илјади евра и да ја преброди кризата, појасни Николоски.