Ромен Грожан ќе помине уште една ноќ во болница закрепнувајќи се од тешката несреќа на трката за Големата награда на Бахреин, но францускиот возач се надева дека ќе вози до Абу Даби нa финалето на Формула 1 за оваа сезона.
Во првиот круг, по контакт со друг болид, Грожан ја проби металната ограда, преполовувајќи го своето возило, кое се запали, а Французинот успеа да го напушти запалениот дел од болидот и за чудо да помине без сериозни повреди.
„Ми рекоа дека лекарите се многу задоволни и дека процесот на опоравување тече како што се очекуваше. Значи, нема пречки тој да ја напушти болницата. Само факт е дека е подобро да биде во болница уште една ноќ за да биде се побрзо“, рече Гинтер Штајнер, шефот на тимот Хас.
Грожан ќе ја напушти Формула 1 следната сезона, па затоа сака да биде подготвен за финалето на сезоната на 13 декември во Абу Даби.
„Никогаш не мислев дека неколку чучњеви ќе ме направат среќен. Телото добро се опоравува, се надевам дека наскоро ќе помнинат и изгорениците на рацете. Благодарност до сите за пораките. Сè уште сум многу бавен во пишување“, објави Грожан на социјалните мрежи.
