Триесет и осумгодишниот ловец Д.П. од Купусина вечно ќе го памети вчерашниот настан откако голем елен налетал на него при лов во областа на селото и со роковите му ја одзел пушката.
Овој крајно необичен инцидент се случил во неделата на 18 октомври за време на лов на дивеч. Според очевидци, група ловџии се движела низ полето со пченка кога возрасен елен во полн трк налетал на нивниот колега. За среќа, ловџијата успеал да се заштити, но во моментот да се одбрани замавнал со пушката кон еленот чиј ремен се заглавил во неговите рогови.
- Во прашање беа моменти, да не беше пушката, сигурно ќе загинеше, тврдат неговите колеги. Резултатот од оваа целосно безизлезна состојба бил на крајот поволен и за двајцата. Жив и без повреди, ловџијата и еленот ќе ја паметат оваа средба до крајот на животот, едниот поради загубата на ловечката пушка, а другиот затоа што на своите рогови го зел овој вреден трофеј.
Ловното здружение „Фазан“ наведува дека ваков настан никогаш не бил забележан во нивното друштво.
- Ова никогаш не се случило. Драго ни е што колегата помина без повреди и повторно треба да апелираме до граѓаните да обрнат внимание доколку најдат оружје во околината, да го донесат во здружението. Тешко е да се замисли дека еленот сè уште трча вооружен низ атарот, тој сигурно ја испуштил пушката, тврдат ловците.
