Сообраќајна несреќа вчеравечер околу 22 часот и 30 минути се случила на раскрсницата во населбата Старо Корзо во Прилеп.
Десетина луѓе се повредени во сообраќајна несреќа, што се случила синоќа на улицата „Александар Македонски“ во Прилеп помеѓу автомобил „Фиат пунто“ и минибус „Мерцедес спринтер“.
Според информациите од МВР, во судирот тешко повреден е возачот на автомобилот, сопатникот во истото возило и уште девет патници во минибусот.
На сите повредени им била укажана лекарска помош во Градската општа болница Прилеп. Увид на местото на настанот извршила екипа од Полициската станица Прилеп и Јавен обвинител.
Траги од крв на асфалтот, но и огромно оштетување кај двете возила сведочи видео снимката направена непосредно по несреќата.
Полицијата ги утврдува причините како дошло до директниот судир, а повеќе информации најави за денешниот ден.
