ВНИМАВАЈТЕ НА КРВНИОТ ПРИТИСОК ДА НЕ ВЕ УБИЕ! Vesnik.com

Високиот крвен притисок е тивок и подмолен убиец. Хипертензијата може со години да не покажува никакви симптоми, а високите вредности може да се манифестираат само кога има оштетување или неправилна работа на некои органи како срцето, бубрзите, очите. Лекарите и нутриционистите советуваат како да се храните за да ја држите под контрола хипертензијата

Во многу земји, кардиоваскуларните болести се главната причина за смртност, а крвниот притисок кај многу жители има вредности кои се повисоки од 140/90 mmHg. Иако хипертензијата е поврзана со фактори на ризик што може да се избегнат и постојат ефективни лекови за нејзино лекување, истражувањата покажуваат дека таа е слабо контролирана кај популацијата.

Лекарите напоменуваат дека не се сите лекови за намалување на крвниот притисок подеднакво добри за секој пациент со висок крвен притисок, па затоа е важно да се пие соодветна терапија. Исто така, околу 90 отсто од случаите со висок крвен притисок се од непозната причина, но некои фактори играат значајна улога, како што се внесот на сол, генетиката, возраста или стресот. Исхраната е многу важна за превенција и третман на висок крвен притисок.

Маслиновото масло, лукот, минералната вода како и балансирана исхрана се најдобри сојузници против хипертензијата

Научните студии за екстра девственото маслиново масло се особено охрабрувачки. Имено, забележано е дека луѓето кои редовно консумираат маслиново масло имаат пониски вредности на крвниот притисок, а редовното консумирање на маслиново масло може дури и да ја намали потребата од лекови за намалување на крвниот притисок, иако во никој случај не се препорачува тоа да го правите на сопствена иницијатива.

Исто толку е важна и оптималната физичка активност како и промените во исхраната. Се препорачува умерена физичка активност од најмалку 30 минути секој ден.

Нутриционистите го споменуваат лукот како суперхрана во борбата против високиот крвен притисок, чие заштитно дејство врз кардиоваскуларните заболувања е докажано со бројни студии кои укажуваат дека лукот влијае на нивото на липидите во плазмата, фибринолитичката активност и го намалува крвниот притисок.

Минералната вода богата со бикарбонати може да биде корисна затоа што е докажано дека консумирањето на газирана натриум-хидрогенкарбонат природна минерална вода може да биде корисна во превенцијата од кардиоваскуларни болести бидејќи бикарбонатите во водата имаат антихипертензивно дејство, објаснуваат нутриционистите.

За секој со вишок килограми и висок крвен притисок, тие предлагаат балансирана исхрана, односно диета за да се намалат масните наслаги и да овозможи подобар проток на крв низ крвните садови, што доведува до понормален крвен притисок и подобра работа на срцевите мускули. Препорачуваат внес на овошје и зеленчук, млечни производи со малку маснотии и ограничување на сувомеснатите производи и солта.

Магдоносот содржи многу витамин Ц, кој докажано пропорционално го намалува крвниот притисок. Покрај магдоносот, се препорачува да се користи и свежо овошје и зеленчук. Пробиотиците се богати со калциум, кој благотворно делува на крвниот притисок, а најдобро е да ги комбинирате со банана која е богата со калиум. Коцка темно чоколадо дневно, богата со антиоксиданти, помага во намалување на крвниот притисок без да добиете вишок на килограми.

Алкохолот се смета за една од главните причини за висок крвен притисок и не се препорачува да се консумира ниту во мали количини. Кофеинот ги стеснува крвните садови и на тој начин го зголемува крвниот притисок. Кафето, чајот и газираните пијалаци содржат големи количини на кофеин, затоа избегнувајте ги. Масната храна го зголемува крвниот притисок. Избегнувајте рафинирани масла, користете само ладно цедени масла бидејќи ги содржат таканаречените добри масти.

ВНИМАВАЈТЕ НА КРВНИОТ ПРИТИСОК ДА НЕ ВЕ УБИЕ!

Папата им го честиташе Велигден на православните христијани

Канал 5 во манастирот Богородица Елеуса познат по крстот на бесконечноста

ПРОФИЛ