СПМ: ГЛАСАЊЕТО НА 8 МАЈ Е ИСТОРИСКО, СДСМ и ДУИ со криминалот и мафијата мора да бидат отстранети и казнети

Социјалистичката партија на Македонија укажува дека гласањето на 8 мај е историско, народот ќе ја определи својата иднина и иднината на државата. Социјалистичката партија на Македонија истакнува дека како никогаш досега на македонскиот народ му е потребна сплотеност и единство како услов за опстојување и сочувување на македонската држава, стои во денешното соопштение на СПМ.

-Единствена организирана структура која има сила и моќ за промени во државата е Колацијата „Твоја Македонија“ и само таа може да обезбеди стабилност, просперитет и европски развој на Македонија. Кандидатката за преседател Гордана Силјановска Давкова и предложените кадри за пратеници од Коалицијата се потврдени луѓе, сериозни, и цврсто патриотски определени за да ја направат Македонија силна и горда. Само тие може да се справат со проблемите што ги создадоа СДС и ДУИ, со криминалот и мафијата кои мора да бидат отстранети и казнети, нагласија во соопштението од СПМ.

Силата и волјата на народот ќе се оствари со реализација на Програмата 1198 на Коалицијата које е програма од народот и ги содржи сите негови барања кои сигурно ќе бидат реализирани. Социјалистичката партија на Македонија ги повикува сите граѓани на масовна излезност и поддршка за кандидатите на Коалицијата „Твоја Македoнија“ за поубава, праведна и горда држава за успех на сегашните и идните генерации, потенцираа во соопштението од партијата.