Мет Гала, позната по своите спектакуларни комбинации, црвениот тепих и скандалите зад сцената, отсекогаш била во центарот на вниманието поради бројните контроверзи. Според добро информиран извор, зад сцената се случува многу повеќе отколку што се гледа и може да се замисли.
Една година славен актер гордо им соопштил на пријателите дека на Мет Гала носел пелена за возрасни. Зошто? Затоа што морал да помине неколку часа во многу сложен костим што му го отежнувало одењето во тоалет. Тој дури тврдел и дека вежбал користење пелена со недели однапред и отишол дотаму што им сугерирал на сите познати личности да носат пелени во подолги работни денови, пренесува Сан.
Светски позната ѕвезда, пак, доживеала непријатно искуство откако пиела премногу апчиња за слабеење. Додека се шетала по црвениот тепих, доживеала несреќа со долната облека. На помош и пришле стилистите кои и обезбедиле замена.
Пред да се легализира рекреативната употреба на канабис во Њујорк, гостин на Мет Гала беше предмет на поплаки заради мирисот на марихуана на трпезата за време на вечерата. Една ѕвезда која седела до него му се пожалила на извршниот директор дека „се опива со секоја минута што ја поминува крај масата“.
Една година позната пејачка не успеала да ги помине сите проби и генералната проба бидејќи била презафатена жалејќи се на звукот, распоредот на собата и присуството на публиката. Во последните часови пред самиот настан имало многу преговори со организаторите. Таа дури и се заканила дека нема да настапи, па дури и Опра се обидувала да ја смири.
Познат актер, познат по улогата на модерен суперхерој, побарал чувар да го придружува до тоалетот за да не биде под мобинг од женски обожаватели. Тој побарал и обезбедувањето да го свртат грбот за да не го вознемируваат додека оди во тоалет.
Една позната ѕвезда поминала половина час затворена во кабина, очигледно консумирајќи дрога, додека друга позната актерка разговарала со своето момче од тоалетната кабина, жалејќи се дека присуствувањето на настанот било само за да му угоди на нејзиниот агент. Кога излегла се насмеала на коментарите на присутните и рекла нешто слично на: „Еј, ова е Њујорк. Треба да се забавуваш, нели?“
Еден од високите директори морал да замоли гостин да дојде сам, наместо со неговата вообичаена придружба од 20 луѓе, откако гостинот бурно реагирал тврдејќи дека „Њујорк е неговиот град и ќе прави што сака“.
Мет Гала, и покрај својот престиж, очигледно не е имуна на скандали, неволји и необични барања од познатите личности кои присуствуваат на овој настан. Зад гламурот на црвениот тепих се кријат необични приказни и контроверзи кои често остануваат скриени од јавноста.