59% од Американците сметаат дека и Бајден и Трамп (77) се премногу стари за улогата на претседател, а 27% сметаат дека само Бајден е премногу стар, објави ABCNews.
Голема е разликата во тоа како партиите гледаат на своите кандидати. 73% од демократите сметаат дека Бајден е премногу стар за да биде претседател, додека само 35% од републиканците сметаат дека Трамп е премногу стар за таа улога. 91% од неопределените гласачи сметаат дека Бајден е премногу стар за да биде претседател, а 71% го мислат истото за Трамп.
Загриженоста на Американците за стареењето на претседателските кандидати значително се зголеми по последната ваква анкета спроведена во септември.
Пред четири дена беше објавено дека Бајден чувал доверливи документи кои не требало. 38% од Американците сметаат дека требало да биде казнет за злосторството, 34% мислат дека не треба да се казни, а 28% се неопределени.
Трамп беше обвинет дека ги чувал документите откако завршил со претседателството. Еден од четирите судски процеси се уште е во тек. Поранешниот претседател ги негира сите неправилности.
Покрај мислењата за возраста на претседателските кандидати, во истражувањето биле опфатени и прашања на кои кандидати гласачите им веруваат повеќе за одредени прашања. Американците веруваат дека Трамп подобро ќе се справи со проблемите на криминалот, економијата и инфлацијата и му веруваат на Бајден за прашањата за абортусот, здравствениот систем и климатските промени.
