Претседателот на Рајо Ваљекано, Мартин Преса потврди дека Столе Димитриевски ќе си замине од Ваљекас. Се зборува дека нашиот репрезентативец веќе се договорил со Валенсија, а тоа го потврди и Преса.
„Димитриевски не сакаше да го продолжи договорот со нас. Не се работи за пари затоа што Рајо му ја даде најдобрата понуда што може. Понекогаш може и да сакаш некој премногу, но таа личност не сака да биде со тебе… Можеби изгледаме глупаво, но воопшто не сме. Ќе најдеме негова замена, се што можеме да кажеме е да му се заблагодариме на придонесот во Рајо. Ќе повторам, жалам што не сакаше да продолжи со нас.
Се кладам дека ќе оди во Валенсија“, изјави Преса.
Договорот на Столе истекува, а тој како слободен ќе прејде во Валенсија, а од таму голманот Мамардашвили ќе оди во Њукасл.
Димитриевски остана на клупата на последниот меч на Рајо против Атлетик, а место него бранеше Даниел Кардењас.
sportmedia.mk
