Францускиот репрезетативец Килијан Мбапе во неделата изјави дека нема да игра за француската репрезентација на Олимписките игри во Париз, бидејќи неговиот нов клуб Реал Мадрид не се согласува со овој потег. Мбапе во март изјави дека сака да игра на Игрите во Париз, но бидејќи олимпискиот фудбалски турнир не е во календарот на ФИФА, клубовите не се обврзани да ослободуваат играчи.
Францускиот селектор на олимписката репрезентација Тиери Анри не го вклучи 25-годишниот Мбапе во неговиот прелиминарен тим од 25 играчи.
„Позицијата на мојот клуб беше многу јасна и поради тоа нема да учествувам на Игрите“, изјави Мбапе за новинарите пред натпреварот против Австрија кој „триколорите“ го играат вечерва на ЕП 2024.
