Радијацијата зголемена помеѓу 4 и 16 пати по ракетната несреќа во Русија

13.08.2019
vesnik-fb-blue
vesnik-twitter-blue
Радијацијата зголемена помеѓу 4 и 16 пати по ракетната несреќа во Русија

Нивото на зрачење во рускиот град Северодвинск се зголеми меѓу 4 и 16 пати на 8 август, по несреќата за која властите открија дека настанала при тестирање ракета од морска платформа, објави во вторникот руска метеоролошка агенција.

Руското Министерство за одбрана најпрво објави дека заднинското зрачење останало на нормално ниво по несреќата во четвртокот, но градските власти на Северодвинск во северна Русија открија дека е забележан краток пораст на нивото на зрачење.

„Гринпис“ тврди дека нивото на зрачење е зголемено за 20 пати, додека руската метеоролошка агенција „Росџидромет“ во вторникот објави дека се зголемила меѓу 4 и 16 пати.

Русија дури во саботата призна дека експлозијата во базата за лансирање ракети била нуклеарна и дека притоа загинале најмалку пет лица, пренесе АФП.

извор: Makfax

© vesnik.com, правата за текстот се на редакцијата