Министерот за правда Бојан Маричиќ не знае колку затвори има во Република Македонија, а ниту пак колку лица се лишани од слобода.

Во вечерашната дебата во емисијата Анализа на телевизија 24, претседателот на правната комисија на ВМРО-ДПМНЕ Тони Менкиноски, го праша министерот за правда Бојан Маричиќ дали знае колку затвори има во Македонија.

-Господине Маричиќ знаете ли колку затвори има во Македонија, праша Менкиноски.

На ова Маричиќ одговори само со доволно.

-Доволно за да ги смести сите криминалци, вели Маричиќ.

При што Менкиноски побара од Маричиќ јавно да одговори колку затвори има во Македонија, но Маричиќ се бранеше дека тоа е работа на Управата за извршување на санкции.

-Имате министер за правда кој не знае колку затвори има, а тоа е во делокругот на неговата работа. А знаете колку лица лишани од слобода има, дали знаете, го праша Менкиноски.

-Тоа е работа на Управата за извршување на санкции, се бранеше Маричиќ.

-Како да разговараме за сериозни работи кога министерот не знае колку затвори има, порача Менкиноски

Најчитани вести