Врховниот суд на Боливија денеска нареди ослободување на поранешната претседателка Жанин Ањес, по неколку години поминати во притвор за време на судските постапки поврзани со нејзината привремена администрација од 2019 година, објави судијата на Врховниот суд Ромер Саусидо.
Ањес во 2022 година беше прогласена за виновна за кршење на уставните норми што го штитат демократскиот поредок и за наводно заговор за соборување на нејзиниот ривал и претходник Ево Моралес, потсетија британските медиуми.
Ањес беше осудена на 10 години затвор, но ги негира сите обвиненија против неа.
