Оваа постапка му овозможува на малцинството во американскиот Сенат да ги блокира законите предложени од мнозинството, со продолжување на времето за дебата и спречување на гласање.
„ИНИЦИРАЈТЕ ЈА „НУКЛЕАРНАТА ОПЦИЈА“, ОТСТРАНЕТЕ ГО ФИЛИБАСТЕРОТ И, НАПРАВЕТЕ ЈА АМЕРИКА ПОВТОРНО ГОЛЕМА!“ напиша Трамп на својата платформа Truth Social доцна синоќа.
Филибастерот (неограничен говор) е правило старо повеќе од 100 години, уникатно за американскиот Сенат, потсетува ДПА.
Според веб-страницата на Сенатот, тоа е „акција дизајнирана да ја продолжи дебатата и да го одложи или спречи гласањето за закон, резолуција, амандман или друго дискутабилно прашање“.
Филибастерот може да се укине со предлог за „затворање“, но за тоа се потребни 60 гласови во 100-члениот Сенат, пренесува германската агенција.
Републиканците на Трамп моментално имаат 53 места во Сенатот и ќе им бидат потребни најмалку седум демократски гласа за да го прогласат крајот на дебатата и да го отворат патот за гласање.
Демократите - кои Трамп ги опиша како „луди како камен“ - се свесни за својата позиција и бараат отстапки од партијата на Трамп во замена за нивните гласови.
Блокадата во САД трае повеќе од четири недели без изгледи за нејзино завршување. Бидејќи демократите и републиканците во Конгресот на САД не можат да се договорат за федерален буџет, нема основа за понатамошно финансирање на владата и сите федерални институции. Како резултат на неа, многу владини агенции и институции мораа да ја затворат или сериозно да ја ограничат својата работа,потсетува ДПА.
