Германскиот канцелар Фридрих Мерц денеска изјави дека очекува дека Русија ќе ја запре војната против Украина само кога повеќе нема да биде во можност да ја води од економски и воени причини, бидејќи дипломатските напори во последните недели не успеаја.
-Сите напори во последните недели беа пречекани со уште поагресивен пристап од страна на режимот во Москва кон населението на Украина, рече Мерц на регионалниот состанок на неговата Христијанско-демократска унија во германската сојузна покраина Северна Рајна-Вестфалија, пренесоа британските медиуми.
Началникот на Генералштабот на руската армија, Велери Герасимов, претходно денеска изјави дека руските трупи спроведуваат континуирана офанзива речиси по целата линија на фронтот во Украина и дека имаат „стратешка иницијатива“.
Русија, исто така, од летово ги засили воздушните напади врз украинските градови и места далеку од линијата на фронтот.
