Гувернерот на Мисисипи, Тејт Ривс, прекуа социјалната мрежа Икс информира дека службите за итни интервенции од цела сојузна држава реагирале на инцидентот во фабриката на CF Industries, северно од градот Јазу.
Тој потврди дека нема извештаи за загинати или повредени.
„Им благодарам на сите служби за итни интервенции и на координаторите за вонредни состојби во Мисисипи за нивната брза реакција на истекувањето,“ напиша Ривс.
Министерството за заштита на животната средина на Мисисипи соопшти дека мониторингот на квалитетот на воздухот е во тек и ќе продолжи онолку долго колку што е потребно за да се гарантира јавната безбедност.
Безводниот амонијак се користи како ѓубриво за снабдување со азот кај пченката и пченицата, но при контакт со гасовита или течна форма може да предизвика изгореници.
