Откако мисијата за враќање претходно беше одложена, веднаш беа активирани планови и мерки за итен одговор, а беше спроведена и сеопфатна симулациска анализа, тестови и проценка на безбедноста на „Шенжоу-20“. Исто така, „сите системи ригорозно спроведуваат заеднички тестови“ и „сеопфатните вежби за враќање на екипажот се спроведуваат на местото на слетување“, соопшти КМСА.
Кинеската вселенска станица „Тијангонг“, се додава, работи нормално и има капацитет да поддржи два екипажа во Земјината Орбита. Луѓето од „Шенжоу-20“ работат и живеат нормално на станицата и спроведуваат научни експерименти заедно со екипажот на „Шенжоу-21“, според наводите.
Ова е седма мисија до кинеската вселенска станица откако беше завршена во 2022 година. „Тјангоунг“ е во ниската орбита на Земјата, меѓу 340 и 450 километри над површината на Земјата.
Враќањето на „Шенжоу-20“ првично беше закажано за 5 ноември, но беше одложено поради сомнеж за судир со вселенски отпад. Кина го лансираше „Шенжоу-21“ до „Тијангонг“ кон крајот на октомври, со тројца астронаути, како замена за „Шенжоу-20“ којшто се наоѓа таму од април.
