Рускиот производител на алкохолни пијалоци ASG ќе ги извезува своите производи на странските пазари преку Србија.
Голема сибирска компанија која ги произведува познатите брендови на вотка „White birch“, „Sibitter“ и „Five lakes“ го отвори ASG Global Balkans во Србија за извоз на странските пазари, пишува Комерсант.
Овие податоци доаѓаат од српската агенција за деловни регистри (АПР), а компанијата ASG преку огласи бара менаџери за извоз кои се специјализирани на пазарите во Израел, Турција и Латинска Америка.
Според Роспатент, правата на некои брендови ASG, се пренесени и на ASG Global Balkans.
Изворот на Комерсант наведува дека со извозот на производите ASG претходно се занимавала компанија од Кипар, но по воведувањето на санкциите на ЕУ против Русија ситуацијата значително се искомплицирала.
