- Односите помеѓу Кина и Русија се движат кон развој на повисоко ниво и со поголем квалитет, напредувајќи со сигурност и покрај турбулентното надворешно опкружување, посочи Си на средбата со Мишустин.
Тој додаде дека „одржувањето, консолидирањето и развојот на односите помеѓу Кина и Русија е стратешки избор на двете земји“.
Си наведе дека Русија и Кина можат да ја зајакнат соработката во енергетиката, земјоделството, воздухопловството, дигиталната економија и зелениот развој.
Мишустин потенцира дека е важно двете земји да продолжат да создаваат поволни услови за привлекување меѓусебни инвестиции и поддршка на заеднички проекти.
Рускиот премиер вчера во градот Хангжу имаше средба со кинески колега Ли Чанг, кој наведе дека Пекинг сака да ја интензивира соработката со Русија и да ги заштите заедничките интереси во сферата на безбедноста.
Си и рускиот претседател Владимир Путин во февруари 2022 година, пред нападот врз Украина, прогласија „бесконечно“ пријателство помеѓу Пекинг и Москва.
