Уапсениот Шурин Дмитро работел како готвач во ресторан во Сполето, додека 21-годишниот Сагор му бил асистент, објави телевизијата Раи.
Сагор, по потекло од Бангладеш, исчезнал на 18 септември, а неговото распарчено тело било пронајдено во понеделникот во кеса.
Обвинителството во Сполето наредило апсење на Дмитро, кој бил под истрага. Тој е обвинет за убиство, попречување на правдата и прикривање на труп.
Како што објави главниот обвинител Клаудио Чичела, клучните докази во случајот се добиени благодарение на информации од познаници на жртвата и соседи на осомничениот.
Обвинителството соопшти дека јасни докази се собрани и со преглед на снимки од безбедносните камери од близина на местото на настанот каде што е пронајдено телото на жртвата и велосипедот што го возел.
Полицијата го претресе домот на осомничениот Украинец, за кој се верува дека го убил и распарчил Сагор во својот дом, само стотина метри од местото каде што е пронајдено телото на жртвата.
Сагор дошол во Италија од Бангладеш пред две години и живеел во засолниште од каде што исчезнал. Истражителите продолжуваат да ги истражуваат околностите околу убиството.
