Пожарот избувнал од непозната причина во фабриката за парфеми во населбата „Мимар Синан“ во 9 часот наутро и брзо се проширил на покривот на соседната зграда.
Гувернерот на покраината, Илхами Акташ, изјавил дека пожарот е целосно изгаснат со ефикасна интервенција на пожарникарите, додека турскиот министер за внатрешни работи, Али Јерликаја, потврдил дека во пожарот загинале шест лица, а четворица се повредени, од кои едно потешко.
Обвинителството веднаш започнало истрага за причините за пожарот, а турските медиуми пишуваат дека сопственикот се обидел да избега по трагедијата.
Според медиумските извештаи, сопственикот, К. О., бил приведен, а во багажникот на неговиот автомобил биле пронајдени куфери полни со лични работи. Се верува дека се обидувал да избега од Турција.
Во тек е потрагата по неговиот син И. О., кој не е достапен за властите откако избувна пожарот. Ги исклучил мобилните телефони и никој не знае каде е.
На местото на трагедијата се снимени шокантни сцени. Роднините на жртвите во еден момент создале хаос пред фабриката, а потоа следела тепачка со полицијата. Што му претходело на судирот засега не е познато. Некои медиуми објавуваат дека повеќето од жртвите биле жени, а наводно во пожарот загинало и 15-годишно девојче.
#Kocaeli Dilovası'nda 6 kişinin hayatını kaybettiği #yangın ile ilgili soruşturma başlatıldı.
— Mediant (@wemediant) November 8, 2025
Aileler olay yerinde sinir krizi geçirdi.
pic.twitter.com/uJ947WmzC8
Очевидци велат дека сцените биле шокантни и дека околу 9 часот наутро имало силни експлозии. Тие истакнуваат дека и претходно имало поплаки за условите во фабриката и дека слушнале дека внатре немало ниту апарат за гаснење пожар.
