Инцидентот се случил на околу 200 метри од брегот во округот Ерегли во Зонгулдак во северна Турција, објави Дејли Меил.
Снимките покажуваат како јахтата се превртува на страна и тоне во морето, додека луѓето на бродот испаничиле и скокнале од бродот.
Маж, за кој се верува дека е сопственик, може да се види како стои до бродот додека тој почнал да тоне, пред да скокне во морето и да почне да отплива до брегот. Се верува дека капетанот на бродот и двајца членови на екипажот исто така скокнале од бродот. Нема повредени.
‼️The newly launched 24-metre Medyılmaz Shipyard motor yacht Dolce Vento sinking just minutes after entering the water in the Ereğli district of Zonguldak, Turkey. At the time of the launch, the yacht’s owner, captain and two crew members were allegedly onboard.Find out more via… pic.twitter.com/iienA7qVqD
— SuperYacht Times (@sytreports) September 3, 2025
Бродот, наречен Долче Венто, бил долг помеѓу 24 и 30 метри и бил завршен во бродоградилиштето Мед Јилмаз за околу пет месеци пред да му биде предаден на сопственикот во Истанбул.
Екипите на крајбрежната стража и пристаништето се испратени и воспоставиле безбедносен периметар. Спасувачките екипи со техничка опрема се испратени на местото на настанот за да започнат со операции за спасување.
Службениците на бродоградилиштето изјавија дека ќе се спроведе темелна истрага и дека причината за потонувањето ќе се утврди по техничките прегледи.
Експертите забележаа дека проблемите со стабилноста, како што се грешките во пресметките на метацентричната висина, се меѓу најзначајните фактори што можеле да доведат до превртување или потонување на бродот. Истрагата е во тек.
