Според украинските медиуми, експлозијата се случила околу 10:50 часот утрово на железничката станица, додека граничарите вршеле рутински проверки на документите на патниците, објави Ројтерс.
За време на проверката, еден маж (23) од Харков бил замолен да излезе од возот. Сепак, во следниот момент тој детонирал експлозивна направа. Починал на лице место.
Во експлозијата загинале уште три лица - граничар (29) и двајца минувачи (58 и 82), додека 12 лица се повредени.
На фотографијата се прикажани тела како лежат на земја, а покрај нив стојат болничари и полицајци.
Ве предупредуваме дека фотографијата е вознемирувачка!
Според истражителите, мажот претходно се обидел нелегално да ја премине границата и бил запрен за втора проверка кога се случила експлозијата.
Полицијата го класифицирала случајот според неколку членови од Кривичниот законик на Украина, вклучувајќи убиство со умисла, обид за убиство на полицаец и нелегално поседување и употреба на експлозиви.
Истражителите продолжуваат да работат на местото на настанот, додека официјалните лица изразија сочувство до семејствата на жртвите и ветија целосна истрага за нападот.
