„Војниците ќе бидат распоредени во случај на прекин на огнот, но не на фронтовската линија. Целта на присуството е да се одврати Русија од нова агресија. Нема да има ограничувања на силата или можностите на украинската армија“, нагласи Макрон на прес-конференција во Елисејската палата во присуство на украинскиот претседател Володимир Зеленски, по завршувањето на состанокот на „Коалицијата на волјата“, објави BFM TV.
Тој прецизираше дека „американската поддршка за овие безбедносни гаранции ќе биде официјално потврдена во наредните денови“.
Макрон остро го критикуваше однесувањето на Москва, опишувајќи го како „волја за трајно војување“ и ги осуди „лажните претензии“ на Русија што ги блокираат мировните процеси.
„Доколку Русија продолжи да ги отфрла понудите за мир, Европската Унија, заедно со САД, ќе воведе нови санкции. Русија е таа што избира да ја ескалира оваа војна. Мировниот камп постои во сите европски престолнини“, заклучи Макрон.
Денешниот состанок во Париз ги собра лидерите на 35 земји во рамките на „Коалицијата на волјата“, која работи на обезбедување безбедносни гаранции за Украина.
