Гутереш, исто така, рече дека хуманитарните напори предводени од неговата организација во Газа се блокирани, одложувани и отфрлени, и дека луѓето во палестинската енклава умираат од глад поради „намерни одлуки што се спротивни на основната човечност“.
„Гладните цивили никогаш не треба да се користат како метод на војување. Цивилите мора да бидат заштитени. Пристапот до хуманитарна помош мора да биде непречен“, им рече Португалецот на новинарите. „Доста со изговорите. Доста со пречките и доста со лагите“, нагласи тој.
Најмалку 16 убиени
Локалните здравствени власти во Газа објавија во понеделник дека најмалку 16 Палестинци се убиени, а десетици се повредени во јужниот дел на Појасот Газа. Жителите, исто така, пријавија зголемено бомбардирање на Газа, објави Ројтерс.
Израел се подготвува да го преземе градот, најголемиот во енклавата, и покрај повиците од меѓународната заедница да се откаже од одлуката што може да предизвика значителни жртви. Во моментов има еден милион палестински бегалци во Газа.
